BANDA EZEZAGUNA

Album dibertigarri eta jostaria, aurre-irakurleekin eta irakurle hasiberriekin irakurtzeko aproposa.

Nortzuk dira furgonetan iritsi diren pertsonaia bitxiak? Lehenengoak, begi horiak ditu; bigarrenak, ileorde grisa; hirugarrenak, txano hegalduna darama eta laugarrenak, ahots grabea dauka. Bertakoak txundituta begira dituztela, beren traste misteriotsuak atera eta jotzen hasi dira. Tonu bihurriak, erritmo bizkorrak, doinu gogorrak, ahots urratuak…. Has dadila kontzertua!

Nadia Budde ilustratzaile alemaniarraren proposamen berri bat, egoera burugabe, hitz-joko eta errima zoroz beterikoa, rock talde harrigarri baten istorioa irudikatzeko: Banda ezezaguna. Album berezia, pertsonaia askotariko eta burugabeak biltzen dituena, eta proposamen berri bat, «kantu kontari» aritzeko gonbita egiten diguna, haur aurre-irakurle eta irakurle hasiberriekin partekatzeko ezin hobea.

Reseña del Editor