BIGA 9. ENERGIA BOLA BAT

Biga energia hutsa da: beti da lehena jolasten, korrika egiten, salto egiten, zuhaitzetan galdutako baloien bila joaten, behar den itxura hartzen eta jolastokia alaitzeko bihurrikeriak egiten. Zaila da hura ez ikustea! Batzuetan, ordea, etxekoak eta lagunak gogaitzeraino heldu daiteke. Hori esaten diotenean, Biga tristatu egiten da. Eta oraingoan larria da kontua: energia olde bat izatetik... bola huts bat izatera pasatu da. Orain, biribil urdin xume bat baino ez da Biga, bizigabea eta mutua! Denek dute haren falta, denak daude kezkatuta... Noiz itzuliko da? Nola aterarazik murgilduta dagoen isiltasunetik? Zorionez, lagunek ondo ezagutzen dute Biga, eta badakite zeri ezin dion uko egin.

Heldu da Bigaren, botere miresgarriak dituen heroi urdin txikiaren bederatzigarren liburukia. Album honetako abentura batzuk 'Toboggan' aldizkari frantsesean argitaratu ziren aurretik, eta beste hainbeste berariaz sortu dira liburuki honetarako. “Hari gorriak” (albumaren amaierako kontakizun luzea) tristura eta bakartzea jorratzen ditu modu sotilean, dramatismo eta dogmatismorik gabe. Urtearen hasieran, Biga sailaren lehen liburukien berrargitalpenak kaleratu zituen Astiberrik, eta dagoeneko 35.000 ale saldu ditu euskaraz.

Reseña del Editor