VALORES ÉTICOS 1º ESO

Elaborados por profesores e profesoras do Seminario Galego de Eduación para a Paz, entidade que desde hai 30 anos ven elaborando numerosos recursos didácticos de formato variado: libros de texto, unidades didáctivas, xogos, audiovisuais, recursos en definitiva para aprendermos a resolver os conflitos pacificamente, por medio da palabra, da man tendida fronte da man alzada, como diría Federico Mayor Zaragoza, que avala este proxecto.

Os textos seguen estritamente o marcado polo currículo para a materia polas autoridades educativas que indican "Valores Éticos deben centrarse en dotar aos alumnos e alumnas dos instrumentos de racionalidade e obxectividade para que os seus xuízos valorativos teñan o rigor e a coherencia e a fundamentación racional que requiren, co fin de que as súas eleccións sexan dignas de guiar a súa conduta, vida persoal e relacións sociais".

Cada libro estrutúrase en 6 unidades coincidentes cos bloques temáticos que determina o currículo, que son:

1. A dignidade da persoa.

2. A comprensión, o respecto e a igualdade nas relacións interpersoais.

3. A xustiza e a política.

4. A reflexión ética.

5. Os valores éticos, o dereito e a Declaración Universal dos Dereitos Humanos.

6. Os valores éticos e a súa relación coa ciencia e a tecnoloxía.

Hai actividades de diversa tipoloxía, que non teñen por que ser realizadas todas, senón que se elixen unhas ou outras en función do grupo; tampouco a orde é determinante, pero si a busca de "aprender a ser".

Reseña del Editor