Bizigarri - Matematika - Lh1

Ikasminan badakigu heztea hazten laguntzea dela. Hezkuntzak, bizigarria den aldetik, elikatu egiten du, hazten laguntzen du, bizia sortzen du eta berritzen ari da etengabe. Etorkizuna elikatzen duen bizigarria da hezkuntza. Bizigarri aurkezten dizugu: hezkuntza-etapa guztiak hartzen dituen proiektu globala da, eta balioetan oinarritutako hezkuntza-eredu sendo bat du oinarri, bi helbururekin: ikaslea eta haren emaitzen hobekuntza, ikaskuntza-erritmo eta -estilo desberdinak kontuan izanik. Irakasleari zerbitzua eta laguntza emateko sortu da, eguneroko lanerako baliabide egokiak ematen baitizkio. Hezkuntzarekiko dugun konpromisoa agerian jartzen da hezkuntza-kalitatea hobetzeko teknologia eta metodologia berri eraginkorrak malgutasunez sartuta. Oinarri pedagogiko hauek ditu: Ikaslea ardatz nagusi: ikaslea da hezkuntza-prozesuaren benetako protagonista. Pertsona bakoitzak bere modura hautematen du errealitatea. Bizigarrik ematen dituen tresnei esker, edukiak erraz hurbiltzen zaizkie ikasleei, motibatuz eta errespetatuz bai ikaslearen ikaskuntza-erritmoa, bai haren ikasteko modua, ikaskuntza eraginkorra lortzeko. Laguntza ematen diogu irakasleari: guztion proiektu bat egiteko irakasleekin batera egindako talde-lanaren emaitza da Bizigarri. Haiengatik eta haientzat bildu dira Bizigarrin eguneroko lana erraztuko dieten baliabide praktiko eta eraginkorrak. Horrez gain, irakaslearen eta Ikasminaren arteko lankidetza ez da bukatzen liburua ikasgeletara iristen den unean. Aholkularitza pedagogikorako sareari esker, irakasleek ikastetxean bertan jasoko dute laguntza, ikasturtearen edozein unetan, eta era berean, gure materialak hobetzen lagunduko digun etengabeko elkarrizketarako aukera izango dute. Hezkuntzarekiko konpromisoa: Bizigarrin agerian jartzen da sinesten dugula hezkuntzak gizartea hobetu dezakeela. Berrikuntza metodologikoaren nahiz balioetan oinarritutako prestakuntzaren bidetik, Bizigarrik gaur egungo gizartearen eskakizunekin eta ikasleen ezaugarriekin bat datorren hezkuntza-eredu bat ekarri du ikasgeletara. Bizigarriren gakoak: Ulertu ikasteko: ikaskuntzaren gakoa ulerkuntza delako, ikasleari edukiak barneratzen eta bereganatzen lagunduko dioten zenbait mekanismo garatu dira: edukiak testuinguruan jartzea, haurraren eguneroko bizitzarekin lotutako jarduerak egitea eta esperientzian oinarrituta ikastea. Norberaren ikaskuntzaren eraikuntza: ikaslea manipulazio-jardueren bidez hasten da ikasten. Ikasleek oinarrizko ezagutza hori bereganatu dezaten, Bizigarrik edukietara eta ikasleen adinera egokitutako hainbat baliabide ematen dizkie irakasleei. Ikaskuntza-erritmo eta -estilo desberdinen trataera: Bizigarrik aniztasuna tratatzeko proposamen espezifikoak ematen ditu unitate didaktiko guztietan. Ikasleen aniztasuna tratatzeko garatutako materialek eta eskainitako programa espezifikoek ikasleen ikaskuntza-maila eta -estilo bakoitzera egokitzen dituzte edukiak, eta horri esker, hezkuntza pertsonalizatu egiten da. Baliabide espezifikoak, berrikuste-, finkatze- eta zabaltze-proposamenak, proba-sortzailea eta Bizigarridigitala. Laguntza irakasleari: eskolak emateko eguneroko lanean laguntzen duten baliabide praktiko eta eraginkorrak: Funtsezko gida, praktikaren eta manipulazio-jardueren bidez ikasteko proposamenak eta materialak, ebaluazioan oinarritutako kalitatezko hezkuntza lortzeko tresnak, Bizigarridigitala eta akonpainamendu-programa. Berrikuntza metodologikoa: Bizigarrik eskolen ohiko dinamikan naturaltasunez sar daitezkeen berrikuntza-programak jartzen ditu irakaslearen eskura, irakasle eta ikastetxe bakoitzak nahi duen erritmoan nahiz mailan barneratu ditzan: Lankidetzan ikastea, Pentsatzen ikastea eta Askotariko adimenak. Izaten eta elkarrekin bizitzen ikasi: Bizigarri proiektuak beste bultzada bat eman dio balioetan oinarritutako hezkuntzari, eta protagonista bihurtu ditu balioak. Unitate bakoitzak balio bat izango du oinarri, etapa guztiak aintzat hartzen dituen programazio bati jarraituz.

Reseña del Editor